Ensemen per il Grischun L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per il traffic sin via è cumpetent per admetter al traffic vehichels, bartgas sco er manischunzas e manischunzs, ed er per controllar periodicamain vehichels e bartgas, per relaschar mesiras administrativas cunter manischunzas e manischunzs fallibels sco er per imponer ed incassar taglias da traffic.
Per l'Uffizi per il traffic sin via tschertgain nus per il 1. da favrer 2025 u tenor cunvegna ina referendaria u in referendari en il sectur Mesiras administrativas (admoniziuns, retratgas dal permiss da manischar e.u.v.).
Voss champ d'incumbensas
Sustegnair las referendarias ed ils referendaris ch'èn responsabels per ils cas
Liquidar lavurs administrativas multifaras
Dar infurmaziuns al telefon ed en scrit
Far servetsch al spurtegl
Elavurar en moda independenta incumbensas en il sectur specific Mesiras administrativas
Quai che nus giavischain da Vus
Scolaziun commerziala terminada u ina qualificaziun cumparegliabla
Discreziun e loialitad
Vus stimais la collavuraziun en il team
Bunas enconuschientschas dal talian èn giavischadas
Noss avantatgs
Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun
Uffizi per il traffic sin via Rohanstrasse 5 7000 Cuira
Per dumondas stat Petra Inglin, manadra da la partiziun Mesiras administrativas, gugent a Vossa disposiziun sut il numer da telefon 081 257 80 80 u per e-mail sut E-Mail schreiben.
Termin d'annunzia: 31 d'october 2024
Nus ans legrain da Vossa annunzia online e da far Vossa enconuschientscha.