Kundenflüsterer mit Zahlenflair (m/w) 80 - 100%
Infos sur l'emploi
- Date de publication :22 août 2024
- Taux d'activité :80 – 100%
- Type de contrat :Durée indéterminée
- Langue :allemand (Courant), français (Élémentaire), anglais (Courant)
- Lieu de travail :Segelhofstrasse 1u, 5405 Dättwil
DYNOVO AG isch es Handelsunternehme, wo im Beriich Reinruumbechleidig, -verbruchsmaterial und Schutzbechleidig tätig isch, also alles so Sache wo defür sorged, dass ganz heikli Produkt zum Biispiel ide Pharmaindustrie suuber bliibed.
Mir sueched für euse neu Standort in Baden-Dättwil per 1. September 2024 oder nach Veriibarig Unterstützig ide Administration.
Was de Job beinhaltet
I dere Funktion bisch du verantwortlich für Ahgebot sowie Ufträg i eusem ERP System z erfasse und abzwickle. Für das bisch du mit eusne Kunde wie aber au eusne Area Sales Manager stets in engem Ustusch, entweder per Mail oder per Telefon. Wiiter sorgsch du defür, dass eusi Stammdate im System fortlaufend uf de neusti Stand bracht werded.
Was du sötsch mitbringe
Du hesch e käufmännischi Usbildig abgschlosse und hesch scho siit es paar Jahr inere verglichbare Position gschaffed. Wichtig weri, dass du scho mal mit ERP System gschaffed hesch. Sehr gueti Dütschkenntnisse sind zwingend, alli wiitere Sprache sind vo Vorteil (Französisch würd eusi Kunde ide Romandie begeistere).
Was mir dir chönd biete
Mir bietet dir en vielsitige Job inere total spannende Branche, wo sich im Wachstum befindet. Mir sind es etablierts Unternehme und pfleged mit euse Kunde und Lieferante langjährigi Partnerschafte, wodurch gueti Beziehige bestönd. Be eus sind dank de flache Hierarchie d Entscheidigsweg churz, du chasch dini eigene Idee ibringe und selbständig schaffe. Es erwartet dich es engagierts, offeherzigs und hilfsbereits Team wo dich selbstverständlich sorgfältig wird iarbeite. Moderni Büro, Parkplatz, Personalrestaurant und ziitgemässi Ahstelligsbedingige runded das Ganze ab.
Hesch no Frage? Falls ja, bitte ungeniert melde, du erreichsch eus entweder per Mail (E-Mail schreiben) oder telefonisch (+41 (0)62 552 19 51)
Du hesch s Gefühl, dass chönti de passendi Job für dich si?
Super, den schick eus doch bitte dini vollständige Bewerbungsunterlage per Mail.
Contact
- Tülin Hamurtekin0625521951Écrire un email