Supportra u supporter dad IT
Kantonale Verwaltung Graubünden
Infos sur l'emploi
- Date de publication :08 octobre 2024
- Taux d'activité :60 – 100%
- Type de contrat :Durée indéterminée
- Lieu de travail :Loëstrasse 14, 7001 Chur
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter quellas datti punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, fan che nossa lavur è pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per la secziun Informatica tschertgain nus per il 1. da schaner 2025 u tenor cunvegna ina supportra u in supporter dad IT.
Voss champ d'incumbensas
- Garantir il support da l'emprim nivel en l'administraziun centrala a Cuira sco er il support dal segund nivel per ils powerusers dals set districts e da la secziun Tecnica
- Transmetter e persequitar activamain problems / disturbis al helpdesk da l'Uffizi d'informatica (support dal terz nivel)
- Sustegnair l'ulteriur svilup e l'optimaziun da sistems
- Collavurar a projects dad IT
- Garantir la coordinaziun cun ils furniturs, cura ch'i vegnan eliminads disturbis ed extensiuns d'applicaziuns
- Rediger e publitgar documents da soluziun (FAQ, documentaziuns) per ils powerusers
- Garantir l'observaziun da prescripziuns da segirezza e da qualitad surordinadas
Quai che nus giavischain da Vus
- Scolaziun professiunala da basa u furmaziun supplementara en il sectur da l'informatica (Windows Server, AD)
- Communicaziun cun las differentas gruppas en mira cun s'orientar als servetschs sco er a las adressatas ed als adressats
- Abilitad da lavurar en in team e dun da communitgar
- Atgna iniziativa e conscienza per la qualitad
- Moda da lavurar orientada a las finamiras ed a las soluziuns
- Bunas enconuschientschas dal talian e/u dal rumantsch èn giavischadas
Noss avantatgs
Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun
Lieu da lavur
Uffizi da construcziun bassa
Loëstrasse 14
7001 Cuira
Loëstrasse 14
7001 Cuira
Per dumondas stat Daniel Corrado, manader Servetschs, gugent a Vossa disposiziun sut il numer da telefon 081 257 37 88.
Termin d'annunzia: 27 d'october 2024
Nus ans legrain da Vossa annunzia online e da far Vossa enconuschientscha.
Contact
Kantonale Verwaltung Graubünden