Was de Job beinhaltet

Als Verantwortliche für de Verchaufsinnedienst übernimmsch du d’Gsamtverantwortig für die riibigslosi Abwicklig vo allne interne Verchaufsprozess. Dazue ghöred d’Erfassig und Abwicklig vo Ufträg sowie d’Erstellig vo Ahgebot für Chunde. Du fungiersch als zentrali Ahsprechperson für eusi Chunde bi Rückfrage, biispielswiis zu Liefertermin oder Reklamatione, und sorgsch dafür, dass alli Ahliege ziitnöch bearbeitet werdet. Zudem pflegsch und aktualisiersch du kontinuierlich d’Stammdate, sowohl für Chunde- wie au Produktdate, um e höchi Datequalität sicherzstelle. In enge Zämearbeit mit de Logistik klärsch du offeni Frage zu laufende Ufträg. Drüber hinuus füehrsch du ei Mitarbeiterin und sorgsch für en effizienti und zielorientierti Teamarbeit.

Was du sötsch mitbringe

Für die Position wird e abgschlosseni Bruefsusbildig, idealerwiis im kaufmännische Beriich (KV) oder i de Hotellerie, vorusgsetzt. Du söttsch über mehrjährigi Erfahrig im Verchaufsinnedienst, Callcenter oder i de Hotellerie verfüege. Sehr gueti Kenntniss in MS-Office sind zwingend erforderlich, so wie fundierti Erfahrig im Umgang mit ERP-Systeme, idealerwiis Microsoft Dynamics.
Nebed sehr guete mündliche und schriftliche Düütschkenntnis sind gueti mündlichi Französischkenntnis unerlässlich, während zuesätzlichi Sprachkenntnis vo Vorteil sind. Freud am telefonische Chundekontakt und e usprägti Dienstleistigsorientierig zeichned dich us. Dini präzisi und sorgfältigi Arbetswiis sorged für zueverlässigi Ergebnis. Ersti Füehrigserfahrige sind ebefalls vo Vorteil.

Was mir dir chönd biete

Mir bietet dir en vielsitige Job inere total spannende Branche, wo sich im Wachstum befindet. Mir sind es etablierts Unternehme und pfleged mit euse Chunde und Lieferante langjährigi Partnerschafte, wodurch gueti Beziehige bestönd. Be eus sind dank de flache Hierarchie d Entscheidigsweg churz, du chasch dini eigene Idee ibringe und selbständig schaffe. Es erwartet dich es engagierts, offeherzigs und hilfsbereits Team wo dich selbstverständlich sorgfältig wird iarbeite. Moderni Büro, Parkplatz, Personalrestaurant und ziitgemässi Ahstelligsbedingige runded das Ganze ab.

Hesch no Frage? Falls ja, bitte ungeniert melde, du erreichsch eus entweder per Mail (E-Mail schreiben) oder telefonisch (+41 (0)62 552 19 51)

Du hesch s Gefühl, dass chönti de passendi Job für dich si? Super, den schick eus doch bitte dini vollständige Bewerbungsunterlage per Mail.