Cussegliadra u cussegliader da vischnancas
Auf einen Blick
- Veröffentlicht:08 Oktober 2024
- Pensum:40 – 60%
- Vertrag:Festanstellung
- Arbeitsort:Rosenweg 4, 7001 Chur
Cussegliadra u cussegliader da vischnancas
Uffizi da vischnancas | 40-60 % | Cuira
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da vischnancas procura che las vischnancas, las vischnancas burgaisas e las regiuns sajan organisadas tenor la lescha, possian ademplir lur incumbensas en atgna responsabladad e sajan finanzialmain saunas.
Per l'Uffizi da vischnancas tschertgain nus per il 1. da mars 2025 u tenor cunvegna ina cussegliadra u in cussegliader da vischnancas cun affinitad per finanzas, prioritarmain per l'assistenza da las vischnancas rumantschas.
In augment dal grad d'occupaziun ad 80-100 % suenter circa 2 onns vegn prendì en mira.
Voss champ d'incumbensas
- Cussegliar autoritads communalas ed il persunal communal en dumondas generalas da la gestiun e da l'administraziun da las vischnancas
- Sustegnair il sectur da finanzas e da contabilitad dal maun public
- Collavurar tar la surveglianza chantunala da las finanzas, tar la gulivaziun da finanzas e tar la refurma da vischnancas
Quai che nus giavischain da Vus
- Scolaziun commerziala da basa, cumplettada cun ina scolaziun supplementara superiura, cun in diplom universitar en economia da manaschi resp. cun ina scolaziun da public management, u la prontezza d'acquistar ina qualificaziun correspundenta
- Enconuschientschas detagliadas da las finanzas e da la contabilitad
- Senn per dumondas giuridicas e politicas
- Persunalitad independenta, fidada ed abla da lavurar en in team
- Fitg bunas enconuschientschas d'in idiom rumantsch a bucca ed en scrit
- Affinitad per dumondas digitalas, applicaziun segira dals instruments dad IT usitads (en spezial da Microsoft Office)
Noss avantatgs
Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun
Lieu da lavur
Uffizi da vischnancas
Rosenweg 4
7001 Cuira
Rosenweg 4
7001 Cuira
Per dumondas stat Thomas Kollegger, manader da l'uffizi, gugent a Vossa disposiziun sut il numer da telefon 081 257 23 81 u per e-mail sut E-Mail schreiben.
Termin d'annunzia: 30 d'october 2024
Nus ans legrain da Vossa annunzia online e da far Vossa enconuschientscha.
Kontakt
- Thomas Kollegger0812572381E-Mail schreiben