Referendaria u referendari per ils servetschs d'incasso
Kantonale Verwaltung Graubünden
Auf einen Blick
- Veröffentlicht:08 Oktober 2024
- Pensum:60 – 100%
- Vertrag:Festanstellung
- Arbeitsort:Steinbruchstrasse 18, 7001 Chur
Referendaria u referendari per ils servetschs d'incasso
Administraziun da taglia | 60-100 % | Cuira
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun chantunala da taglia è in post da servetsch dal Departament da finanzas e vischnancas dal chantun Grischun. L'Administraziun da taglia è responsabla per exequir la Lescha chantunala da taglia e la Lescha federala davart la taglia federala directa.
En questa cumpetenza surpiglia la partiziun Contabilitad, nua che la plazza publitgada è domiciliada, tranter auter la responsabladad per l'administraziun e per l'incasso da pretensiuns d'attests da perdita, d'amortisaziuns administrativas e da pretensiuns en connex cun ils custs da proceduras giudizialas e cun ils custs per advocatas ed advocats che vegnan pajads anticipadamain dal chantun Grischun. En il rom da questa activitad multifara vegn examinada detagliadamain la situaziun finanziala actuala da las partidas pertutgadas. Eventualas pussaivladads da restituziun vegnan discutadas ed er fatgas valair.
Per l'Administraziun da taglia / Departament da finanzas e vischnancas tschertgain nus per il 1. da schaner 2025 u tenor cunvegna ina referendaria u in referendari per ils servetschs d'incasso.
Voss champ d'incumbensas
- Surpigliar la responsabladad per l'administraziun da pretensiuns d'attests da perdita, d'amortisaziuns administrativas e da custs pajads anticipadamain per proceduras giudizialas e per advocatas ed advocats, quai resguardond ils termins da surannaziun vertents
- Fungar sco persuna da contact per nossa clientella, acceptar sias dumondas e s'engaschar cuminaivlamain per soluziuns realisablas
- Elavurar disposiziuns da restituziun e cunvegnas da pajaments en ratas, survegliar resp. cudeschar ils termins da pajament sco er las entradas dals pajaments
- Instradar - sche necessari - a temp l'incasso giuridic, davent da la scussiun fin a la procedura da liquidaziun, e realisar correctamain las proceduras observond ils termins fixads
Quai che nus giavischain da Vus
- Scolaziun commerziala da basa
- Experientscha professiunala en l'administraziun da pretensiuns ed en la gestiun da cas
- Enconuschientschas dals fatgs da scussiun e da concurs sco er experientscha en la calculaziun dal minimum d'existenza tenor il dretg da scussiun èn d'avantatg
- Gronda cumpetenza sociala, in bun dun receptiv ed in pensar cumplessiv
- Independenza en l'organisaziun da la lavur ed en la procedura da decisiun sco er ina ferma conscienza per la qualitad
- Bunas enconuschientschas dal tudestg e dal talian a bucca ed en scrit (segirezza da contractar)
Noss avantatgs
Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun
Lieu da lavur
Administraziun da taglia
Steinbruchstrasse 18
7001 Cuira
Steinbruchstrasse 18
7001 Cuira
Per dumondas davart la procedura da recrutaziun contactai per plaschair Iris Polinelli, manadra da la partiziun Servetschs administrativs, sut il numer da telefon 081 257 33 16.
Termin d'annunzia: 8 da november 2024
Per dumondas davart la professiun stat Gladys Rösli, manadra da la secziun Servetschs d'incasso, gugent a Vossa disposiziun sut il numer da telefon 081 257 34 94.
Nus ans legrain da Vossa annunzia online e da far Vossa enconuschientscha.
Kontakt
Kantonale Verwaltung Graubünden